நேற்று மாலை 6.30 மணிக்கு நடைபெற்ற இறுதிப்போட்டியில் இந்தியா ஜப்பான் அணியுடன் மோதியது. பெணால்டி கார்னர் முறையில் 12-வது நிமிடத்தில் ஜப்பான் கோல் அடித்து 1-0 என்ற கணக்கில் முன்னிலை பெற்றது. ஆட்டத்தின் 28வது நிமிடத்தில் இந்திய வீராங்கனை நவ்னீத் கோல் அடித்தார். இதன்மூலம் இரு அணிகளும் 1-1 என சமநிலை பெற்றது.
பின் 44-வது நிமிடத்தில் ஜப்பான் மீண்டும் பெணால்டி கார்னர் முறையில் கோல் அடித்தது. ஆனால் எவ்வளவு போராடியும் இந்திய வீராங்கனைகளால் பதில் கோல் அடிக்க முடியவில்லை. இதன் மூலம் இந்தியா 2-1 என்ற கோல் கணக்கில், ஜப்பானிடம் தோல்வியை தழுவி தங்கப்பதக்கம் பெறும் வாய்ப்பை நழுவவிட்டது. இறுதியில் இந்திய மகளிர் அணி வெள்ளிப்பதக்கத்தை கைப்பற்றினார்கள்.
