குறுகிய இடைவெளியில் இந்திய அணியின் டி 20, ஒருநாள் மற்றும் டெஸ்ட் அணிகளின் கேப்டன் பொறுப்பில் இருந்து கோலி விலகியுள்ளார். இது கிரிக்கெட் உலகில் மிகப்பெரிய சர்ச்சைகளையும் விமர்சனங்களையும் எழுப்பியுள்ளது. இந்நிலையில் தென் ஆப்பிரிக்காவில் நடக்க உள்ள ஒருநாள் தொடரில் சில ஆண்டுகளுக்குப் பிறகு கோலி ஒரு வீரராக விளையாட உள்ளார்.
இந்நிலையில் கோலி இடத்துக்கெல்லாம் ரோகித் சர்மா வர முடியாது என சுனில் கவாஸ்கர் தெரிவித்துள்ளார். இது குறித்து விரிவாக அவர் கூறியதாவது, விராட் விலக முடிவு செய்திருப்பது பிசிசிஐக்கு ஒரு பெரிய சவாலை ஏற்படுத்தியுள்ளது. ரோஹித் ஷர்மா களத்தில் உள்ள பெயர்களில் ஒருவர், ஆனால் சரியான மாற்றாக இருக்க முடியாது.
ரோஹித்திற்கு உடற்தகுதி பிரச்சினைகள் உள்ளன. எனவே, எல்லாப் போட்டிகளுக்கும் பொருந்தக்கூடிய ஒரு வீரர் தேவை. இதனால் தான் அனைத்து வடிவங்களிலும் இடம்பெறும் வீரர் மட்டுமே கேப்டனாக வேண்டும் என நினைக்கிறேன் என கூறியுள்ளார்.
