அதையடுத்து விசாரணைக்குப் பிறகு அவர் மீதானத் தடையைத் தற்காலிகமாக நீக்கியது, அதனையடுத்து நியுசிலாந்து அணிக்கெதிரான ஒருநாள் மற்றும் டி 20 போட்டிகளில் களமிறங்கி சிறப்பான பேட்டிங் மற்றும் மோசமான பவுலிங்கை வெளிப்படுத்தினார். அதனையடுத்து சிலப் பயிற்சிகளை ஆஸி தொடருக்காக அவர் மேற்கொண்டு வந்தார். இந்நிலையில் தீராத முதுகுவலிப் பிரச்சனைக் காரணமாக அவர் ஆஸி தொடரில் இருந்து நீக்கப்படுவதாக பிசிசிஐ அறிவித்துள்ளது.
இதனையடுத்து அவர் சிகிச்சை முடிந்து சில வாரங்களுக்குப் பிறகு மீண்டும் பெங்களூர் தேசிய அகாடமியில் உடற்பயிற்சி சோதனைகளை மேற்கொள்ள இருக்கிறார். அதன் பிறகே அவர் ஐபிஎல் போட்டிகளில் மும்பை இந்தியன்ஸ் அணிக்காக விளையாடுவது முடிவாகும். ஆஸி தொடரில் விளையாடும் வீரர்களே பெரும்பாலும் உலகக்கோப்பைப் போட்டிகளில் இடம்பெறுவார்கள் என எதிர்பார்க்கப்படுகிறது. இந்நிலையில் இந்தியாவிற்கு ஆஸி தொடருக்கு அடுத்த சர்வதேசப் போட்டிகள் எதுவும் இல்லாததால் ஹர்திக் பாண்ட்யா உலகக் கோப்பைப் போட்டிகளில் கலந்து கொள்வதில் புதிய் சிக்கல் உருவாகியுள்ளது.
