ஆஸ்திரேலிய அணிக்கு எதிராக விளையாடும் இந்திய வீரர்களின் தேர்வு நேற்று நடைபெற்றது. இந்த தொடர்தான் உலகக்கோப்பைப் போட்டிகளுக்கு முன்னர் இந்தியா விளையாடும் சர்வதேசத் தொடர் என்பதால் இதில் இடம்பிடிக்கும் வீரர்களே உலகக்கோப்பையிலும் இடம்பெறுவார்கள் என கூறப்பட்டது. இதனால் நேற்றைய அணித்தேர்வு மிகவும் எதிர்பார்க்கப்பட்டது.
இதுகுறித்து முன்னாள் வீரர்கள் பலர் தங்கள் கருத்துகளைத் தெரிவித்துள்ளனர். அதில் சஞ்சய் மஞ்சரேக்கர் ‘தினேஷ் கார்த்திக்கை பிசிசிஐ தேர்வுக்குழு வெறும் டி20 வீரராக மட்டுமே பார்க்கத் தொடங்கிவிட்டது அவருக்கு உலகக்கோப்பைக்கான இந்திய அணியில் இடம் கிடைப்பதற்கான சாத்தியக்கூறுகள் மிகவும் கம்மியாக உள்ளன.’ எனத் தெரிவித்துள்ளார்.
