இந்த மைதானம் 63 ஏக்கர்களில், 110,000 ரசிகர்கள் அமர்ந்து பார்க்கும் வகையில் உருவாக்கப்படுகிறது. 700 கோடி ரூபாய் செலவில் மைதானத்தின் உட்புறம் மற்றும் வெளிப்புறத்துக்கான கட்டுமானப் பணிகள் நடைபெற்று வருகின்றன. ஜனவரி 2020-ல் ஸ்டேடியம் முழுதும் கட்டி முடிக்கப்பட்டிருக்கும் என அறிவிக்கப்பட்டுள்ளது.
இந்த ஸ்டேடியத்தில் மார்ச் மாதம் நடக்க இருந்த ஆசிய லெவன் மற்றும் உலக லெவன் அணிகளுக்கான போட்டியை நடத்த பிசிசிஐ தலைவர் விரும்பினார். ஆனால் கட்டுமானப் பணிகள் முடியாததால் பங்களாதேஷுக்கு அந்த போட்டிகள் மாற்றப்பட்டன. இந்நிலையில் ரசிகர்களை மகிழ்விக்கும் விதமாக அந்த மைதானத்தின் முழுவடிவப் புகைப்படத்தை வெளியிட்டுள்ளது.
