எங்கள் இதயங்களில் நிரந்தரமாக வாழ்வீர்கள் நண்பரே- முதல்வர் மு.க.ஸ்டாலின்

தேமுதிக தலைவர் விஜயகாந்த்தின் உடல் இன்று  நல்லடக்கம் செய்யப்பட்ட நிலையில், ‘’எங்கள் இதயங்களில் நிரந்தரமாக வாழ்வீர்கள் நண்பரே...’’என்று முதல்வர் மு.க.ஸ்டாலின் தெரிவித்துள்ளார்.

தமிழ் சினிமாவின் பிரபல நடிகரும் தேமுதிக  நிறுவனருமான விஜயகாந்த்  நேற்று உடல் நலக்குறைவால் காலமானார்.

அவரது மறைவு சினிமாவுக்கும், அரசியலுக்கும் பேரிழப்பு என பலரும் கருத்து கூறி வருகின்றனர்.

இந்த நிலையில், சென்னை தீவுத்திடலில் இருந்து இன்று விஜயகாந்த் உடல் ஊர்வலமாக எடுத்துவரப்பட்டு, கோயம்பேட்டியில் உள்ள தேமுதிக அலுவலகத்தில் சந்தனப் பேழையில் வைக்கப்பட்ட விஜயகாந்தின் உடல் முழு அரசு மரியாதையுடன் நல்லடக்கம் செய்யப்பட்டது.

இந்த நிகழ்ச்சியில் முதல்வர் மு.க.ஸ்டாலின்,  அமைச்சர்கள் கே.என். நேரு, உதயநிதி ஸ்டாலின், மா. சுப்பிரமணியன் ஆகியோர் பங்கேற்றனர்.

இதுகுறித்து முதல்வர் மு.க.ஸ்டாலின் தெரிவித்துள்ளதாவது:

‘’எங்கள் இதயங்களில் நிரந்தரமாக வாழ்வீர்கள் நண்பரே...’’என்று தெரிவித்துள்ளார்.

தமிழ்நாடு அரசு வெளியிடுள்ளதாவது: ''உடல்நலக்குறைவால் காலமான தேசிய முற்போக்கு திராவிடக் கழக தலைவர் கேப்டன் விஜயகாந்த் அவர்களின் உடல் நல்லடக்கம் செய்யப்படும் இடத்திற்கு மாண்புமிகு முதலமைச்சர் மு.க.ஸ்டாலின் நேரில் சென்று அவரது உடலுக்கு மலர்வளையம் வைத்து அஞ்சலி செலுத்தினார்'' என்று தெரிவித்துள்ளது.

மேலும், இந்த இறுதி  நிகழ்ச்சியில் லட்சக்கணக்கான மக்கள் திரளாய்க் கலந்து கொண்டு அஞ்சலி செலுத்தியது குறிப்பிடத்தக்கது.