வங்கக்கடலில் உருவான காற்றழுத்த தாழ்வு மண்டலம் புயலாக மாறி கடந்த 30ஆம் தேதி கரையை கடந்த நிலையில் இந்த புயல் காரணமாக பெய்த கனமழையால் விழுப்புரம், கடலூர், திருவண்ணாமலை, கிருஷ்ணகிரி, கள்ளக்குறிச்சி மற்றும் புதுவை பகுதிகளில் பெரும் வெள்ளப்பெருக்கு ஏற்பட்டது.
இந்த நிலையில், இன்று பிற்பகல் ஒரு மணி வரை நீலகிரி, கோவை, ஈரோடு, திருப்பத்தூர், திருவண்ணாமலை, காஞ்சிபுரம், கடலூர், சென்னை, செங்கல்பட்டு, ராணிப்பேட்டை, வேலூர் ஆகிய 11 மாவட்டங்களிலும் புதுவையிலும் லேசான மழை முதல் மிதமான மழை வர பெய்யும் என வானிலை ஆய்வு மையம் கூறியுள்ளது.
