முதுகில் குத்திய விஜயகாந்த்: மீண்டும் தாக்கப்பட்டார் பாதுகாவலர் (வீடியோ இணைப்பு)

தேமுதிக தலைவர் விஜயகாந்த் சமீபத்தில் தனது பாதுகாவலரை தாக்கிய சம்பவம் நடந்தது. அந்த சம்பவத்திற்கு பிறகு மீண்டும் தனது பாதுகாவலர் ஒருவரை விஜயகாந்த் தாக்கியுள்ளார்.

நெல்லை மாவட்டம் வள்ளியூரில் நேற்று நடைபெற்ற தேமுதிக-மக்கள் நல கூட்டணியின் தேர்தல் பிரச்சாரத்தில் பங்கேற்றார் தேமுதிக தலைவர் விஜயகாந்த். தேமுதிக, மதிமுக, மார்க்சிஸ்ட் கம்யூனிஸ்ட் கட்சி வேட்பாளர்களை அறிமுகம் செய்து வைத்து பேசினார் விஜயகாந்த்.

இந்த கூட்டத்தில் கலந்து கொண்டு பேசிய பின்னர் விஜயகாந்த் கிளம்பும் போது தொண்டர்கள் அவரை சூழ்ந்து கொண்டனர். இதனால் கூட்டத்தினரிடையே இருந்து விஜயகாந்தை பத்திரமாக கொண்டும் செல்லும் பணியில் ஈடுபட்டுக்கொண்டிருந்தனர் அவரது பாதுகாவலர்கள்.

நன்றி: News7

கூட்ட நெரிசலை பார்த்து எரிச்சலடைந்த விஜயகாந்த் அருகில் கூட்டத்தினரை கட்டுப்படுத்திக்கொண்டிருந்த பாதுகாவலர் ஒருவரின் முதுகில் தாக்கினார். இதனால் அந்த இடத்தில் சிறிது நேரம் பரபரப்பு ஏற்பட்டது. விஜயகாந்த் பாதுகாவலரை தாக்கியதும், பாதுகவலர் கூட்டத்தினரை தாக்க ஆரம்பித்தார்.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்