இந்த பட்டியலில் ஆறாவது இடத்தில் தமிழகம் உள்ளது. தமிழகத்தில் 100ல் 62 பேர் தங்களது வேலை முடிய வேண்டும் என்பதற்காக லஞ்சம் அளிப்பதாக கூறப்படுகிறது. நிலம் வாங்குதல், விற்றல், நகராட்சி நிர்வாக பணிகள், அரசாங்க சார்ந்த சான்றிதழ்கள் வாங்குதல் போன்ற பல காரியங்களுக்கும் லஞ்சம் பெறுவதாக கூறப்படுகிறது. மேலும் கடந்த ஆண்டை விட இந்த ஆண்டு லஞ்சம் வாங்குவது அதிகரித்துள்ளதாகவும் அந்த ஆய்வில் கூறப்பட்டுள்ளது.
இவை மட்டுமல்லாமல் அரசின் உதவி திட்டங்கள் போன்றவற்றை பெறவே குறிப்பிட்ட அதிகாரிகளுக்கு லஞ்சம் அளிக்க வேண்டியிருப்பதாக அந்த ஆய்வில் தெரிய வந்துள்ளது.
லஞ்ச ஒழிப்பு துறை மாநிலங்கள் முழுவதும் இருந்தாலும் சிறிய தொகை அளவில் நடைபெறும் லஞ்ச ஊழல்கள் குறித்து யாரும் புகார் அளிக்க முன்வராததே இதற்கு காரணம் என சமூக ஆர்வலர்கள் இதுகுறித்து கருத்து தெரிவித்துள்ளனர்.
