கடந்த சில மாதங்களாகவே தெருநாய்கள், குழந்தைகள் மற்றும் முதியவர்களை கடித்து குதறி வருகிறது என்பதும் சில உயிரிழப்புகள் ஏற்பட்டு இருந்தும் இது குறித்து உரிய நடவடிக்கை எடுக்கவில்லை என மக்கள் தங்கள் அதிருப்தியை தெரிவித்து வருகிறார்கள் என்பதும் தெரிந்தது.
பாலமுருகன் - சத்யா தம்பதியின் மகள் ஹரிணி ஸ்ரீ, சங்ககிரி நட்டுவம்பாளையம் அரசு மேல்நிலைப் பள்ளியில் எட்டாம் வகுப்பு படித்து வரும் நிலையில் இவர் நேற்று காலை பள்ளிக்குச் சென்றபோது பள்ளியின் வளாகத்தில் சுற்றுத் திரிந்த தெரு நாய்கள் திடீரென அவரை கடித்து குதறின.
அரசு பள்ளி வளாகத்திலேயே நாய்கள் சுற்றித்திரிந்து வருகிறது என்றும் பள்ளி நிர்வாகம் இது குறித்து எந்த நடவடிக்கையும் எடுக்கவில்லை என்றும் மாணவ மாணவியருக்கு இந்த பள்ளியில் பாதுகாப்பு இல்லை என்றும் கல்வி அதிகாரிகள் இது குறித்து உரிய நடவடிக்கை எடுக்க வேண்டும் என்றும் பெற்றோர்கள் கோரிக்கை விடுத்து வருகின்றனர்.
