101 சதவீதம் அதிமுகவுடன் கூட்டணி வைக்க மாட்டோம், இனி திராவிடக் கட்சிகளோடு கூட்டணியே இல்லை என்று வீரவசனம் பேசி, மக்களை முட்டாளாக்கிய பாமக தற்பொழுது தனது கோட்பாடுகளை மீறி மக்களவைத் தேர்தலுக்காக 7 சீட்டுகளை பெற்றுக் கொண்டு அதிமுக மற்றும் பாஜகவோடுக் கூட்டணி அமைத்துள்ளது. இதனால் பாமகவிற்கு எதிராக பல்வேறு தரப்பினர் கடும் கண்டனங்களை தெரிவித்து வருகின்றனர்.
இந்நிலையில் இதுகுறித்து பேசிய ஸ்டாலின் மாற்றம்-முன்னேற்றம்-அன்புமணி என முழக்கமிட்டவர்கள் இனி மாற்றம்-ஏமாற்றம்-சூட்கேஸ்மணி என்றுதான் கூறிக்கொள்ள வேண்டும். அதிமுக - பாமக கூட்டணி மக்கள் விரோத கூட்டணி, ஒரு பண நலக்கூட்டணி என காட்டமாக பேசினார்.
