அதிமுக தலைமையில் பாஜக மற்றும் பாமக இணையும் கூட்டணி அமைந்துள்ளது. இன்னும் தேமுதிக வோடு அதிமுக குழு பேச்சுவார்த்தையில் ஈடுபட்டு வருகிறது. தொகுதிப் பங்கீடு குறித்த சில கருத்து வேறுபாடுகளால் இன்னும் இழுபறி நிலையில் உள்ளது அந்தக் கூட்டணி. அதற்கிடையில் திமுக வோடுப் பேச்சுவார்த்தையில் ஈடுபட இருப்பதாகவும் தகவல்கள் வெளியாகியுள்ளன.
ஆனால் நேற்று பாஜக மற்றும் பாமக அணியில் இணைந்ததாக அறிவித்த உடனேயே சமூக வலைதளங்களில் எல்லாம் இந்தக் கூட்டணியைக் கேலி செய்யும் மீம்ஸ்கள் புற்றீசல் போல புறப்பட ஆரம்பித்தன. அதிலும் முக்கியமாக ‘இனி திராவிடக் கட்சிகளோடுக் கூட்டணி இல்லை’, ‘கழகங்கள் இல்லா தமிழகம் அமைப்போம்’ எனவும் ஆவேசமாக உரையாற்றிக் கடைசியில் அதிமுகவுடன் கூட்டணி அமைத்த பாமக வை அதிகமாகக் கலாய்க்க ஆரம்பித்தன.
