அடுத்த சட்டமன்ற தேர்தலில் ஆளும் அதிமுக படுதோல்வி அடையும். ஆட்சி அமைக்கும் அளவிற்கு திமுக பெரும்பான்மையுடன் வெற்றி பெறும். அதேபோல், திமுக கூட்டணியில் உள்ள காங்கிரஸுக்கு மொத்தம் 16 இடங்கள் கிடைக்கும். அதேபோல், டிடிவி தினகரன் அணி இரண்டாம் இடத்திற்கு முன்னேறும். அதிமுக 3ம் இடத்திற்கு தள்ளப்படும். ரஜினி மற்றும் கமல்ஹாசன் ஆகியோரின் கட்சி மக்களிடையே பிரபலமடைந்தாலும் ஒரு இடத்தில் கூட வெற்றி பெறாது.
சட்டசபை தேர்தலில் திமுக 114, டிடிவி கட்சி 57, அதிமுக 41, காங்கிரஸ் 16 இடங்களிலும் வெற்றி பெறும். அதேபோல், பாராளுமன்ற தேர்தலில் அதிமுகவிற்கு 7 இடங்களும், திமுகவிற்கு 24 இடங்களும், டிடிவி தினகரன் கட்சி 6 இடங்களிலும், காங்கிரஸ் ஒரு இடத்திலும் வெற்றி பெறும் என அந்த கருத்துக்கணிப்பில் முடிவில் தெரியவந்துள்ளதாக கூறப்பட்டுள்ளது.
