பள்ளி சீருடையிலேயே அவர்கள் கழிவறையை சுத்தம் செய்வதும், அங்குள்ள ஆசிரியர்கள் மேற்பார்வையில் குப்பைகளை கூட்டும் போட்டோக்களும் வெளியாகியுள்ளன. அரசு பள்ளிகளுக்கான அனைத்து வசதிகளும் அளிக்கப்பட்டிருக்கும்போதும், படிக்கவரும் மாணவர்களை கழிவறை சுத்தம் செய்ய சொல்வது பெரும் சர்ச்சையை ஏற்படுத்தியுள்ளது.
இந்த வீடியோ சர்ச்சையானதை தொடர்ந்து இதுகுறித்து ஆய்வு மேற்கொள்ள தேனி மாவட்ட முதன்மை கல்வி அலுவலர் பள்ளிக்கு சென்றுள்ளார். அங்கு இந்த சம்பவம் தொடர்பாக தலைமை ஆசிரியர், ஆசிரியர்கள் மற்றும் மாணவர்களிடம் விசாரணை மேற்கொள்ளப்பட்டுள்ளது. இந்த சம்பவம் பெரும் பரபரப்பை ஏற்படுத்தியுள்ளது.
