அதிமுக அம்மா அணியும், அதிமுக புரட்சித்தலைவி அம்மா அணியும் இணைந்த பிறகு மீண்டும் பொருளாளர் பதவியை ஓ.பன்னீர்செல்வம் கவனித்து வருகிறார். இந்நிலையில் அதிமுக அம்மா அணியின் புதிய பொருளாளரை சசிகலா நியமித்து ஒப்புதல் வழங்கியுள்ளதாக கூறப்படுகிறது.
சசிகலாவுக்கு எதிராக தற்போது ஒட்டுமொத்த அதிமுகவும் உள்ளது. எடப்பாடியும், ஓபிஎஸ்ஸும் ஒன்று சேர்ந்ததும் தினகரனுக்கு ஆதரவாக 18 எம்எல்ஏக்கள் ஒன்று சேர்ந்தனர். அவர்கள் எடப்பாடி பழனிச்சாமியை முதல்வர் பதவியில் இருந்து நீக்க பொர்க்கொடி தூக்கி வந்தனர்.
இந்நிலையில் இந்த தகுதி நீக்கம் செய்யப்பட்ட 18 எம்எல்ஏக்களில் ஒருவரான தஞ்சாவூர் தொகுதி எம்எல்ஏ ரெங்கசாமி காந்த சில தினங்களாக பெங்களூரில் உள்ள சசிகலாவை சிறையில் சென்று சந்தித்தார். அப்போது ரெங்கசாமியை அதிமுக அம்மா அணியின் பொருளாளராக சசிகலா நியமித்து ஒப்புதல் அளித்துள்ளதாக கூறப்படுகிறது. மேலும் இது தொடர்பான உத்தரவில் சசிகலா கையெழுத்து இடம்பெற்றுள்ளதாகவும் தகவல்கள் வருகின்றன.
