உலகையே உலுக்கிய இந்த தாக்குதல் குறித்து ஸ்ரீநகர் பகுதியைச் சேர்ந்த ரியாஸ் அகமது வானி, எனும் மெக்லியோடஸ் பன்னாட்டு நிறுவனத்தின் ஊழியர், தனது ஃபேஸ்புக் பக்கத்தில் "இதுவல்லவோ சர்ஜிக்கல் ஸ்டிரைக்" என பாராட்டி சர்ச்சையான கருத்தை குறிப்பிட்டிருந்தார்.
எனவே, தேசத்துக்கு விரோதமான தங்களின் இக்கருத்து குறித்து ஒரு வாரத்துக்குள் உரிய விளக்கம் அளிக்க வேண்டும் எனவும் மேலும் அந்த விளக்கம் நிறுவனத்துக்கு ஏற்புடையதாக இல்லாதபட்சத்தில் தாங்கள் பணிநீக்கம் செய்யப்படுவீர்கள் எனத் தெரிவித்து அவருக்கு நோட்டீஸ் அனுப்பப்பட்டுள்ளது.
முன்னதாக, புல்வாமா தாக்குதலை வரவேற்று ஃபேஸ்புக் பக்கத்தில் கருத்து பதிவிட்டிருந்த, என்டிடிவியின் இணையதள செய்திப் பிரிவின் துணை செய்தி ஆசிரியர் நிதி சேத்தி பணியிடை நீக்கம் செய்யப்பட்டுள்ளது குறிப்பிடத்தக்கது.
