சில நாட்களுக்கு முன்னர் மாவட்ட நிர்வாகிகளை சந்தித்து பேசிய ரஜினிகாந்த் இன்று செய்தியாளர்களை சந்தித்து பேசினார். அப்போது தான் பதவிக்கு ஆசைப்படுபவனல்ல என்றும், தமிழகத்தில் நல்ல ஆட்சியையும், ஆட்சியாளர்களையும் கொண்டு வரவே கட்சி தொடங்க இருப்பதாகவும் தெரிவித்தார்.
தனது கட்சிக்கு முக்கியமான மூன்று விதிமுறைகளையும் அவர் அறிவித்துள்ளார். ஆனால் அவர் முதல்வர் ஆக தான் விரும்பவில்லை என கூறியுள்ளது அவரது தொண்டர்களுக்கும், ரசிகர்களுக்கு ஏமாற்றத்தை ஏற்படுத்தியுள்ளது. ரஜினியின் இந்த முடிவுக்கு ஒத்துக்கொள்ளாத அவரது ரசிகர்கள் ட்விட்டரில் #ரஜினியே எங்கள் முதல்வர் என்று ஹேஷ்டேகை ட்ரெண்ட் செய்து வருகின்றனர்.
