கோவை ஸ்மார்ட் சிட்டி திட்டத்தின் கீழ் பல்வேறு திட்டங்கள் செயல்படுத்தப்பட்டு வருகின்றன. இந்நிலையில் குடிநீர் குழாய் பதிக்கும் பணிகளும் ஆங்காங்கே நடைபெற்று வருகிறது. இதனால் கழிவுநீர் சாக்கடை, பாதாள சாக்கடை குழாய்கள் ஆங்காங்கே அவ்வப்போது அடைப்புகள் ஏற்பட்டு கழிவு நீர்கள் சாலையில் செல்கிறது.
இந்நிலையில் கோவை 32 வது வார்டு தில்லை நகர் சுந்தரப்ப கவுண்டர் வீதியில் பல ஆண்டுகள் ஆகியும் சாக்கடை தூர்வாரப்படாததால், அடைப்பு ஏற்பட்டு, கழிவுநீர் வீட்டிற்குள் புகுந்தும் சாலைகளில் தேங்கி நிற்கிறது. அந்தக் கழிவு நீரால் கொசுக்கள் பூச்சிகள் பெருகி நோய் பரவும் அபாயம் ஏற்பட்டு, அப்பகுதி மக்கள் பாதிப்படைந்து வருகின்றன.
