சென்னையில் உள்ள சில ரயில் நிலையங்களில் இன்றும் நாளையும் பிளாட்பார்ம் டிக்கெட் ரத்து என்ற அறிவிப்பு காரணமாக பயணிகள் மகிழ்ச்சி அடைந்துள்ளனர்.
தீபாவளி பண்டிகை கொண்டாடப்பட இருக்கின்ற நிலையில், சென்னையில் தங்கியுள்ள பிற மாவட்டத்தைச் சேர்ந்த பொதுமக்கள் சொந்த ஊர் செல்வதற்காக இப்போதே பேருந்துகள் மற்றும் ரயில் நிலையங்களில் குவியத் தொடங்கியுள்ளனர்.
இந்த நிலையில் கூட்ட நெரிசல் அதிகம் காரணமாக டிக்கெட் எடுக்கும் போது பயணிகளின் கூட்ட நெரிசலை சமாளிக்க சென்னை கோட்டத்தில் உள்ள சில ரயில் நிலையங்களிலும் இன்றும் நாளையும், அதாவது அக்டோபர் 29 மற்றும் 30 ஆகிய இரண்டு நாட்களுக்கு பிளாட்பார்ம் டிக்கெட் தற்காலிகமாக ரத்து செய்யப்படுவதாக தெற்கு ரயில்வே தெரிவித்துள்ளது.
சென்னை சென்ட்ரல், எழும்பூர், தாம்பரம், பெரம்பூர் ஆகிய ரயில் நிலையங்களில் பிளாட்பார்ம் டிக்கெட் இன்றும் நாளையும் எடுக்க வேண்டிய அவசியம் இல்லை என்பது குறிப்பிடத்தக்கது.
