சென்னையில் முத்துசாமி பாலத்தில் தொடங்கி மதுரவாயல் சந்திப்பு வரை தொடரும் 14 கிமீ நீளமுள்ள பிரதான சாலை பூத்தமல்லி ஹை ரோடு என்றும், பெரியார் ஈ.வே.ரா சாலை என்றும் அழைக்கப்பட்டு வருகிறது. சென்னையின் முக்கிய பிரதான சாலையான இந்த சாலையின் பெயர் தற்போது மாற்றப்பட்டுள்ளதாக தகவல்கள் வெளியாகியுள்ளது.
அதில் பெரியார் ஈவேரா சாலை பெயர் மாற்றப்படவில்லை என்றும், சென்னை மாநகராட்சி தரவுகளின்படி அந்த சாலை பெரியார் பெயரில் அழைக்கப்பட்டாலும், பிரிட்டிஷ் காலத்திலிருந்தே ஆவணங்களில் Grand Western Trunk Road என்றே உள்ளதாகவும், ஆவணங்களில் இன்றும் அதே பெயரில் தொடர்வதாகவும் விளக்கம் அளிக்கப்பட்டுள்ளது
