இதை முதல்வர் பன்னீர்செல்வம் முன் மொழிய, அனைத்து எம்.எல்.ஏக்களும் வழி மொழிந்தனர். இதில் தமிழக முதல்வர் ஓ.பன்னீர்செல்வம், தனது ராஜினாமா கடிதத்தை சசிகலாவிடம் கொடுத்தார்.
முன்னதாக பி.டி.ஐ. செய்தி நிறுவனத்திற்கு அளித்திருந்த பேட்டியில், “2016ஆம் ஆண்டு மே மாதம் நடந்த தேர்தலில் மக்கள் ஜெயலலிதா ஆட்சி செய்ய வேண்டும் என்று வாக்களித்தார்களே தவிர, ஓ.பன்னீர்செல்வத்திற்கோ அல்லது ஜெயலலிதா வீட்டில் இருப்பவர்களுக்கோ அல்ல.
தற்போதைய ஆட்சியில் இருப்பவர்களுக்கு மக்களின் ஆதரவு இல்லை என்பது தெளிவாக தெரிகிறது. அதிமுகவில் நிலவும் உட்கட்சி பிரச்சனைகள் சட்டசபையையோ, தமிழக ஆட்சி நிர்வாகத்தையோ பாதித்துவிடக்கூடாது என்பதே எதிர்க்கட்சித் தலைவரான தனது பிரதான கவலை.
