தமிழ்நாட்டில் கோடைக்காலம் நடந்து வந்தாலும் கடந்த சில நாட்களாக நல்ல மழை பெய்து வருகிறது. மதுரை, பொள்ளாச்சி மற்றும் தென் மாவட்டங்களில் கடந்த நாட்களில் கனமழை பெய்து தீர்த்த நிலையில் அடுத்தடுத்த நாட்களில் அதிகனமழை எச்சரிக்கையும் விடுக்கப்பட்டுள்ளது.
அந்த வகையில் நீலகிரி மாவட்டத்திற்கும் 18ம் தேதி முதல் 20ம் தேதி வரை கனமழைக்கான ஆரஞ்சு அலெர்ட் விடுக்கப்பட்டுள்ளது. தற்போது கோடை விடுமுறை என்பதால் ஏராளமான மக்கள் ஊட்டி, நீலகிரி என மலைவாசஸ்தலங்களுக்கு செல்வது அதிகரித்துள்ளது. தற்போது மழை எச்சரிக்கை விடுக்கப்பட்டுள்ள நிலையில் நிலச்சரிவு, மரங்கள் முறிந்து விழுவது போன்றவை நடக்கலாம் என்பதால் மலைப்பகுதிகளில் பயணிப்பதில் ஆபத்து உள்ளது.
