இந்நிலையில் நேற்று நடைபெற்ற தமிழக அமைச்சரவை கூட்டத்தில் ஹைட்ரோகார்பன் பிரச்சினை குறித்தும் விவாதிக்கப்பட்டுள்ளதாக கூறப்படுகிறது. இதுகுறித்து பிரதமர் மோடிக்கு தமிழக முதல்வர் எடப்பாடி பழனிசாமி கடிதம் எழுதியுள்ளார். அதில் மக்கள் கருத்துகளை கேட்காமல் இந்த திட்டத்தை செயல்படுத்துவதில் தமிழக அரசுக்கு உடன்பாடு இல்லை என்றும், மத்திய அரசு தனது அறிவிப்பை திரும்ப பெற்றுக் கொள்ளுமாறும் வலியுறுத்தியுள்ளார்.
முதல்வரின் இந்த கடிதம் குறித்து மீண்டும் விமர்சனம் வைத்துள்ள மு.க.ஸ்டாலின் முதல்வர் சரியான நடவடிக்கை எடுக்காமல் நாடகம் ஆடுவதாக கூறியுள்ளார்.
நடவடிக்கை எடுக்க வேண்டும் என்கிறார். எடுத்தால் நாடகம் என்கிறார். என்னதான் சொல்ல வருகிறார் என அரசியல் வட்டாரங்கள் மு.க.ஸ்டாலினின் விமர்சனத்தால் குழப்பம் அடைந்துள்ளன.
