சென்னை விமான நிலையத்தில் பேட்டியளித்த போது இது தொடர்பாக பேசிய அவர், எந்த அதிகாரியையும் அழைத்து ஆளுநர் பேசலாம். முதல்வர், தலைமை செயலாளரையும் ராஜ் பவனில் அழைத்து பேசலாம். இந்த அதிகாரம் ஆளுநருக்கு உண்டு. ஆனால் அன்றாட நிர்வாகம் செய்ய ஆளுநருக்கு அதிகாரம் இல்லை.
ஆளுநர் ஒவ்வொரு மாவட்டமாக சென்று ஆய்வு நடத்துவது ஜனநாயக மரபல்ல. அவருக்கு அந்த அதிகாரம் சட்டத்தில் இல்லை. தமிழக முதல்வர், அமைச்சர்கள் ஆகியோர் பிரதமர் மோடியின் அடிமைகளாக இருக்கின்றனர். அதனால் தான் இதனை ஆதரித்து பேசுகின்றனர். ஆளுநர் நடவடிக்கை தொடர்பாக சூழ்நிலை ஏற்பட்டால் அனைத்து கட்சிகளுடன் சேர்ந்து ஜனாதிபதியை சந்தித்து முறையிடலாம் என்றார்.
