நாடு முழுவதும் கொரோனா வைரஸ் தீவிரத்தை குறைக்க அரசு பல்வேறு நடவடிக்கைகளை மேற்கொண்டு வருகிறது. ஏற்கனவே அலுவலகங்களில் பணிபுரிபவர்கள் வீடுகளில் இருந்து பணிபுரிய சொல்லி அறிவுறுத்தப்பட்டதால் சொந்த ஊர்களுக்கு திரும்பியுள்ளனர். அன்றாட பணி செய்யும் தினக்கூலி தொழிலாளர்களுக்கு மாத நிதி வழங்க தமிழக அரசு ஆலோசித்து வருகிறது.
இந்நிலையில் மக்கள் நீதி மய்யம் தலைவரும், நடிகருமான கமல்ஹாசன் மக்களுக்கு வீடியோ ஒன்றை வெளியிட்டுள்ளார். அதில் “குழந்தைகளுக்கு கல்வி கட்டணம் கட்ட வேண்டுமே, கடன் தொகை செலுத்த வேண்டுமே என பல பிரச்சினைகளை நினைத்து கவலைக்கொள்ளாமல் தற்போது குடும்பத்துடன் இருக்க கிடைத்திருக்கும் வாய்ப்பை பயன்படுத்தி கொள்ளுங்கள். படிக்காமல் விட்ட புத்தகங்களை படியுங்கள், பார்க்காமல் விட்ட படங்களை பாருங்கள், குழந்தைகளோடு நேரத்தை செலவிடுங்கள். பூரண நலனுடன் இருங்கள்” என பேசியுள்ளார்.
