திமுக கூட்டணியில் இடம்பெற்றுள்ள காங்கிரஸ் கட்சிக்கு தொகுதி ஒதுக்குவதில் இழுபறி நிலை நீடித்து வருகிறது. காங்கிரஸ் தரப்பிலிருந்து 30 தொகுதிகள் கேட்பதாகவும் திமுக தரப்பில் இருந்து 18 தொகுதிகள் மட்டுமே தருவதாகக் கூறப்படுகிறது. அதுமட்டுமின்றி கன்னியாகுமரி இடைத் தேர்தலிலும் காங்கிரஸ் கட்சி போட்டியிட வாய்ப்பு கிடைக்காது என்று தெரிகிறது
இந்த நிலையில் திமுக கூட்டணியில் இருக்கும் காங்கிரஸ் கட்சியை தங்களது கூட்டணிக்கு வருமாறு மக்கள் நீதி மய்யம் கட்சி அழைப்பு விடுத்துள்ளது. இதுகுறித்து மக்கள் நீதி மய்யம் கட்சியின் பொதுச் செயலாளர் குமரவேல் அவர்கள் இன்று அளித்த பேட்டியில் காங்கிரஸ் கட்சி எங்கள் கூட்டணிக்கு வந்தால் அவர்களுக்கு தேவையான தொகுதிகள் ஒதுக்கப்படும் என்று கூறியுள்ளார். இந்த அழைப்பை ஏற்று கமல் கூட்டணிக்கு காங்கிரஸ் கட்சி செல்லுமா என்பதை பொறுத்திருந்து பார்ப்போம்
