இந்நிலையில் தனியார் தமிழ் தொலைக்காட்சி ஒன்று ஜெயலலிதா மருத்துவமனையில் அனுமதிக்கப்பட்டபோது இருந்த அவரது மருத்துவ அறிக்கை ஒன்றை வெளியிட்டது. அதில், ஜெயலலிதா மருத்துவமனையில் அனுமதிக்கப்பட்டபோது அவர் மயக்க நிலையில் இருந்ததாகவும் அவரது சர்க்கரை, ரத்த அழுத்தம், இதய துடிப்பு உள்ளிட்டவை அதிகமாக இருந்ததாக கூறப்பட்டது.
இது மக்கள் மத்தியில் சந்தேகத்தை ஏற்படுத்தியுள்ளது. இந்நிலையில் இதுகுறித்து பாஜக மூத்த தலைவர் சுப்பிரமணியன் சுவாமி கூறுகையில், ஜெயலலிதா உடல்நிலை குறித்து ஒரு போதும் அக்கறை கொண்டதில்லை. கடந்த 2014-ஆம் ஆண்டு முதல் அவரது உடல்நிலை பாதிக்கப்பட்டிருந்தது. சொத்துக் குவிப்பு வழக்கில் அவர் சிறையில் இருந்த போதும் அவரது உடல் நிலை பாதிக்கப்பட்டிருந்தது. எனவே ஜெயலலிதாவின் மரணம் இயற்கையானதுதான். எந்த மர்மங்களும் இல்லை என்றார்.
