இந்நிலையில், சத்யம் சினிமாஸ் திரையரங்க உரிமையாளர் வீடு உள்ளிட்ட 33 இடங்களில் வருமான வரித்துறையினர் சோதனை மேற்கொண்டு வருவதாக தகவல் வெளியானது. ஆனால், சத்யம் திரையரங்களில் எந்த சோதனையும் நடைபெறவில்லை என சத்யம் சினிமாஸ் மக்கள் தொடர்பாளர் சங்கீதா கந்தவேல் தனது ட்விட்டர் பக்கத்தில் தெரிவித்துள்ளார்.
சத்யம் சினிமாஸ் அமைந்திருக்கும் பகுதியில் உள்ள ஸ்பெக்ட்ரம் மால் உரிமையாளர்கள் சிட்டிபாபு, செந்தில் வீடுகள், பட்டேல் குரூப், மிலன், கட்டுமான நிறுவனமான மார்க் போன்ற நிறுவனங்களில் சோதனை நடைபெற்று வருவது உறுதியாகியுள்ளது.
33 இடங்கலில் 300க்கும் மேற்பட்ட அதிகாரிகள் இதில் ஈடுபட்டுள்ளதாகக் கூறப்படுகிறது. இந்நிலையில், சசிகலா உறவினர்கள் இல்லத்தில் நடைபெற்ற சோதனைக்கும் இன்றைய சோதனைக்கும் தொடர்பு இல்லை என்று வருமான வரித்துறை விளக்கம் அளித்துள்ளது.
