சில மணி நேரங்களுக்கு முன் பனையூர் தவெக அலுவலகம் வந்தடைந்த விஜய் விவசாயிகளின் குடும்பத்தினர் மட்டுமல்லாமல், மாநாட்டு ஏற்பாட்டாளர்கள் மற்றும் மாநாட்டிற்கு பணியாற்றிய நிர்வாகிகளையும் நேரில் அழைத்து மரியாதை செய்து வருகிறார்.
முன்னதாக அக்டோபர் மாதம் 27ஆம் தேதி விழுப்புரம் மாவட்டம் விக்கிரவாண்டி என்ற இடத்தில் தமிழக வெற்றி கழகத்தின் மாநாடு பிரம்மாண்டமாக நடைபெற்றது. இந்த மாநாட்டிற்காக அந்த பகுதியில் உள்ள விவசாயிகள் தங்கள் நிலத்தை அளித்த நிலையில், அந்த விவசாயிகளுக்கும் நில உரிமையாளர்களுக்கும் நன்றி தெரிவிக்கும் விதமாக இன்று விழா நடைபெறுகிறது என்பது குறிப்பிடத்தக்கது.
