நேற்று ராமநாதபுரத்தில் நடந்த அறிவியல் கண்காட்சி ஒன்றை தொடங்கி வைத்த விஞ்ஞானி சிவசுப்பிரமணியன், குறைந்த செலவில் கடல்நீரை குடிநீராக்கும் திட்டம் இஸ்ரோவிடம் இருப்பதாகவும், இந்த திட்டத்தின் மூலம் தினமும் 5 லட்சம் மில்லியன் லிட்டர் குடிநீர் தினசரி உற்பத்தி செய்ய முடியும் என்றும், லிட்டர் ஒன்றுக்கு வெறும் பத்து பைசாவிற்கு இந்த குடிநீரை விற்கும் அளவிற்கு இந்த திட்டம் மிகக்குறைந்த செலவை கொண்டது என்றும் அவர் தெரிவித்துள்ளார்.
காவிரியில் இருந்து தண்ணீர் பெற பல ஆண்டுகளாக தமிழக மக்கள் போராட்டம் நடத்தி கொண்டிருக்கும் நிலையில் இந்த திட்டம் வெற்றி பெற்றால் விவசாயிகளுக்கும், பொதுமக்களுக்கும் தண்ணீர் தேவை பூர்த்தி செய்யப்படும் என்றும் சமூக ஆர்வலர்கள் கூறி வருகின்றனர்.
