தமிழ்நாட்டின் முதல்வர் மு.க.ஸ்டாலின்! – எடப்பாடி பழனிசாமி வாழ்த்து!
திங்கள், 3 மே 2021 (10:56 IST)
தமிழக சட்டமன்ற தேர்தலில் திமுக தனிப்பெரும்பான்மையில் வெற்றி பெற்ற நிலையில் எடப்பாடி பழனிசாமி தனது வாழ்த்துகளை தெரிவித்துள்ளார்.
தமிழக சட்டமன்ற தேர்தல் வாக்குகள் எண்ணப்பட்டு வரும் நிலையில் அதிக தொகுதிகளில் வென்று திமுக தனிப்பெரும்பான்மை வெற்றி பெற்றுள்ளது. நடப்பு ஆளும் கட்சியாக இருந்த அதிமுக கூட்டணி 74 இடங்களில் மட்டுமே முன்னிலை பெற்று தோல்வியை தழுவியுள்ளது.
இந்நிலையில் பல்வேறு தலைவர்களும் திமுக தலைவர் மு.க.ஸ்டாலினுக்கு வாழ்த்துக்கள் தெரிவித்து வரும் நிலையில் பதவியேற்பு குறித்து நாளை திமுக எம்.எல்.ஏக்கள் கூட்டம் நடைபெற உள்ளது.
இந்நிலையில் ட்விட்டர் வாயிலாக மு.க.ஸ்டாலினுக்கு வாழ்த்து தெரிவித்துள்ள எடப்பாடி பழனிசாமி “தமிழ்நாட்டின் முதலமைச்சராக பதவியேற்கவுள்ள திரு.மு.க.ஸ்டாலின் அவர்களுக்கு என்னுடைய நல்வாழ்த்துக்களை தெரிவித்துக் கொள்கிறேன்” என பதிவிட்டுள்ளார்.
