பொதுவாக காங்கிரஸ் கட்சியின் தேசிய தலைவர்கள் தமிழகம் வந்தால் திமுகவில் உள்ள தலைவர்களுடன் இணைந்து பிரசாரம் செய்வது வழக்கமாக இருக்கும். ஆனால் நேற்று தமிழகத்திற்கு காங்கிரஸ் எம்பி ராகுல் காந்தி வந்தபோது திமுகவினர் அவரை வரவேற்க செல்லவும் இல்லை, அவருடன் பிரச்சாரத்திற்கும் செல்லவில்லை
இந்த நிலையில் தனித்து தேர்தல் பிரச்சாரம் செய்யும் காங்கிரஸ் கட்சிக்கு எனது பாராட்டுக்கள் என்று திமுக பொதுச்செயலாளர் துரைமுருகன் அவர்கள் கூறியிருப்பது அந்த கூட்டணியில் உள்ள பிளவை உறுதிப்படுத்துவதாக தெரிகிறது. அதுமட்டுமின்றி திமுக கூட்டணியில் வேறு சில கட்சிகள் இணைய வாய்ப்பு இருப்பதாக துரைமுருகன் கூறியதிலிருந்து பாமக அந்த கூட்டணியில் இணைய வாய்ப்பு இருப்பதாக கூறப்படுகிறது
