கமல்ஹாசனின் மக்கள் நீதி மய்யம் கட்சியில் இருந்து கடந்த சில மாதங்களுக்கு முன்னர் விலகிய டாக்டர் மகேந்திரன் விரைவில் திமுகவில் சேர இருப்பதாக தகவல்கள் வெளிவந்து கொண்டிருந்த நிலையில் இன்று காலை டாக்டர் மகேந்திரன் தனது சமூக வலைத்தளத்தில் இன்று மாலை 5 மணிக்கு திமுகவில் சேர இருப்பதாக குறிப்பிட்டு இருந்தார்
அதனை அடுத்து சற்று முன்னர் அவர் திமுகவில் அதிகாரபூர்வமாக இணைந்ததாக அறிவிக்கப்பட்டுள்ளது. மக்கள் நீதி மய்யத்தில் இருந்து விலகிய டாக்டர் மகேந்திரன் சென்னை அண்ணா அறிவாலயத்தில் சற்றுமுன் திமுக தலைவரும் முதல்வருமான முதலமைச்சருமான முக ஸ்டாலின் முன்னிலையில் தன்னை அதிமுகவில் இணைத்துக் கொண்டார். அவர் தனது ஆதரவாளர்களுடன் வந்து திமுகவில் இணைந்து கொண்டார் என்பது குறிப்பிடத்தக்கது
