மத்திய அரசின் நீட் தேர்வுக்கு எதிராக தமிழகமெங்கும் பலர் எதிர்ப்பு தெரிவித்து வரும் நிலையில், நடிகர் சூர்யாவும் தொடர்ந்து நீட் தேர்வுக்கு எதிராக குரல் கொடுத்து வருகிறார். அதேபோல சமீபத்தில் திரைப்படங்களுக்கான ஒளிப்பதிவு சட்ட திருத்த மசோதாவுக்கு எதிராகவும் சமீபத்தில் நடிகர் சூர்யா கருத்து தெரிவித்திருந்தார்.
இந்நிலையில் மத்திய அரசின் திட்டங்களுக்கு எதிராக பேசி வரும் நடிகர் சூர்யாவுக்கு எதிராக பாஜக மாநில இளைஞரணி செயற்குழுக் கூட்டத்தில் தீர்மானம் நிறைவேற்றப்பட்டது. இதனிடையே, நடிகர் சூர்யாவை மிரட்டும் நோக்கில் தீர்மானம் போட்ட பாஜக செயல் அப்பட்டமான கோழைத்தனத்தின் வெளிப்பாடு என்று மார்க்சிஸ்ட் கம்யூனிஸ்ட் தெரிவித்துள்ளது. நீட் விலக்கு, சினிமா சட்ட திருத்தம் பற்றிய விமர்சனங்களை நியாயமாக முன்வைக்கிறார் சூர்யா என்று கே.பாலகிருஷ்ணன் தெரிவித்துள்ளார்.
