அடுத்த 5 நாட்களுக்கு மழை: சென்னை வானிலை ஆய்வு மையம் தகவல்!

தமிழகத்தில் அடுத்த 5 நாட்களுக்கு மழை பெய்யும் என சென்னை வானிலை ஆய்வு மையம் தெரிவித்துள்ளது. 

வளிமண்டல மேலடுக்கு சுழற்சி மற்றும் வெப்பச்சலனம் காரணமாக இன்று முதல் 3 நாட்களுக்கு கன்னியாகுமரி நெல்லை மற்றும் மேற்கு தொடர்ச்சி ஆகிய மாவட்டங்களில் மிதமான மழையும், மார்ச் 30 மற்றும் 31 ஆகிய நாட்களில் மிதமான மழையும் பெய்ய கூடும் என அறிவிக்கப்பட்டுள்ளது 

சென்னையில் அடுத்த 2 நாட்களுக்கு மழைக்கு எந்த வாய்ப்பும் இல்லை என்றாலும் வானம் மேகமூட்டத்துடன் காணப்படும் என்றும் கூறப்பட்டுள்ளது

கடந்த 24 மணி நேரத்தில் ராசிபுரம் மற்றும் தேக்கடி ஆகிய பகுதிகளில் 3 சென்டி மீட்டர் மழை பதிவாகி உள்ளதாக சென்னை வானிலை ஆய்வு மையம் தெரிவித்துள்ளது