அதிமுக ஒருங்கிணைப்பாளர் ஓ பன்னீர்செல்வம் கூட இந்த விஷயத்தில் சசிகலாவுக்கு ஆதரவாக இருப்பதாக கூறப்படுகிறது. இந்நிலையில் சசிகலா பாஜகவில் இணைந்தால் வரவேற்போம் என்றும் அவர் பாஜகவில் இணைந்தால் பாஜக வளர்ச்சிக்கு உதவியாக இருக்கும் என்றும் புதுக்கோட்டையில் சட்டமன்ற பாஜக தலைவர் நயினார் நாகேந்திரன் பேட்டி அளித்துள்ளார்.
இதனைத்தொடர்ந்து இது குறித்து திருச்சியில் செய்தியாளர்களுக்கு பேட்டியளித்த தமிழக பாஜக தலைவர் அண்ணாமலை, பாஜகவிற்கு சசிகலா வந்தால் வரவேற்போம் என நயினார் நாகேந்திரன் கூறுவது அவரின் தனிப்பட்ட கருத்து. அவர், சசிகலா பாஜகவில் இணைவது கட்சியின் கருத்து அல்ல என்று குறிப்பிட்டார்.
