விழுப்புரம் மாவட்டத்தைச் சேர்ந்த பெண் நீதிபதிக்கு, வழக்கறிஞர் சிவராஜ் காதலிப்பதாக கூறி தொல்லை கொடுத்துள்ளார். அந்த நீதிபதி தினமும் பணியாற்றும் நீதிமன்றத்திற்கு சென்று அவரை தொடர்ந்து பார்த்துக்கொண்டிருக்கும் வழக்கத்தை முன்னெடுத்துள்ளார்.
இந்த நிலையை உணர்ந்து, பெண் நீதிபதி உயர்நீதிமன்ற நீதிபதியிடம் புகார் அளித்துள்ளார். அதையடுத்து, வழக்கறிஞர் சிவராஜிற்கு தனிப்பட்ட முறையில் அறிவுரை வழங்கியிருந்தும், அவர் தனது செயல்களை நிறுத்தவில்லை எனத் தெரிகிறது. இதையடுத்து, மறு உத்தரவு வரும் வரை சிவராஜ் நீதிமன்றங்களில் ஆஜராக தடை விதித்து பார் கவுன்சில் உத்தரவிட்டுள்ளதாக கூறப்படுகிறது.
