இந்தியாவில் மட்டுமல்லாமல் உலகம் முழுவதிலும் பல வகையான தொழில்களை மேற்கொண்டு வரும் நிறுவனம் முகேஷ் அம்பானியின் ரிலையன்ஸ் இண்டஸ்ட்ரீஸ், ரிலையன்ஸ் இண்டஸ்ட்ரீஸ் நிறுவனத்தின் கிளை நிறுவனமான Viacom 18 இந்தியா முழுவதிற்கும் செய்தி சேனல்கள், எண்டெர்டியின்மெண்ட், ஸ்போர்ட்ஸ் சேனல்களை வழங்கி வருகிறது.
இந்நிலையில் தற்போது இந்திய சந்தையில் தங்களில் சேவையை மேம்படுத்துவதற்காக வியாகாம் 18 மற்றும் ஸ்டார் இந்தியா பிரைவேட் லிமிடெட் நிறுவனங்களை ரிலையன்ஸ் மற்றும் வால்ட் டிஸ்னி ஒன்றிணைக்கிறது. இதனால் இந்த சேவைகளை மேலும் பல மக்களிடம் கொண்டு செல்ல முடிவதுடன் குறைந்த விலையில் பேக்கேஜாக அளிக்கவும் வாய்ப்புள்ளதாகவும், இரு தரப்பு உரிமம் பெற்ற நிகழ்ச்சிகளும் பரிமாறிக்கொள்ளப்படும் என்றும் எதிர்பார்க்கப்படுகிறது.
