மத்திய அரசின் குடியுரிமை சட்டத்தை எதிர்த்து ஜாமியா பல்கலைகழக மாணவர்கள் போராட்டத்தில் ஈடுபட்டனர். அப்போது சிலர் வாகனங்களை தீயிட்டு கொளுத்தியதாலும், கற்களை வீசியதாலும் வன்முறை வெடித்தது. மாணவர்கள் மேல் போலீஸார் தடியடி தாக்குதல் நடத்தினர்.
இதனைத்தொடர்ந்து தற்போது டெல்லியில் மீண்டும் போராட்டம் வெடித்துள்ளது. டெல்லியில் சீலம்பூர் பகுதியில் போராட்டக்காரர்கள் - போலீசார் இடையே மோதல். போராட்டகாரர்கள் போலீஸ் மீது கற்களை வீசி தாக்கி வன்முறையில் ஈடுபட்டதாக கூறி போராட்டக்காரர்கள் மீது போலீசார் தடியடி நடத்தியுள்ளனர். அதோடு கண்ணீர் புகை குண்டுகளை வீசியுள்ளனர்.
