மத்திய அரசின் குடியுரிமை சட்டத்தை எதிர்த்து ஜாமியா பல்கலைகழக மாணவர்கள் போராட்டத்தில் ஈடுபட்டனர். அப்போது சிலர் வாகனங்களை தீயிட்டு கொளுத்தியதாலும், கற்களை வீசியதாலும் வன்முறை வெடித்தது. மாணவர்கள் மேல் போலீஸார் தடியடி தாக்குதல் நடத்தினர்.
இந்நிலையில் ஜாமியா மாணவர்கள் போரட்டத்தில் கலவரம் நிகழ்ந்தது குறித்து விளக்கம் அளித்துள்ள மத்திய உள்துறை அமைச்சகம் போராட்டத்தில் சில சமூக விரோதிகள் புகுந்ததாகவும், அவர்களே வன்முறையை தூண்டிவிட்டுள்ளதாகவும் தெரிவித்துள்ளது.
இந்த வழக்கில் 10 பேர் கைது செய்யப்பட்டுள்ளதாகவும், அவர்கள் அனைவருமே குற்ற பிண்ணனியை கொண்டவர்கள் என்றும் கூறப்படுகிறது. மேலும் போலீஸார் மாணவர்கள் யாரையும் கைது செய்யவில்லை என்றும் உள்துறை அமைச்சகம் விளக்கம் அளித்துள்ளது.
