உத்தவ் தாக்கரே எங்கள் குடும்ப தலைவர்: ஷிண்டே அணி எம்.எல்.ஏ

உத்தவ் தாக்கரே என் தலைவர் என ஷிண்டே அணியின் எம்எல்ஏ ஒருவர் தனது டுவிட்டரில் பதிவு செய்திருப்பது பெரும் பரபரப்பை ஏற்படுத்தி உள்ளது. 

உத்தவ் தாக்கரே தலைமையிலான அரசை கவிழ்த்து விட்டு மகாராஷ்டிராவில் ஷிண்டே என்பவர் பாஜக ஆதரவுடன் தற்போது ஆட்சி நடத்தி வருகிறார். இந்த நிலையில் ஏக்நாத் ஷிண்டே அணியைச் சேர்ந்த அவுரங்காபாத் மேற்கு தொகுதி எம்எல்ஏ சஞ்சய் என்பவர் சமீபத்தில் தனது டுவிட்டரில் உத்தவ் தாக்கரே பேசும் வீடியோவை வெளியிட்டுள்ளார்

அந்த வீடியோவில் உத்தவ் தாக்கரே எங்கள் குடும்ப தலைவர் என குறிப்பிட்டிருந்தார் இதனையடுத்து அவருக்கு எதிர்ப்புகள் அதிகமானதை அடுத்து அவர் அந்த பதிவை டெலிட் செய்துவிட்டார். சஞ்சய் தனக்கு மந்திரி பதவி வழங்கப்பட்டதை அடுத்து அவர் டுவிட்டரில் இந்த பதிவை போட்டதாக தெரிகிறது

ஆனால் இது குறித்து அவர் விளக்கம் அளித்தபோது தொழில்நுட்ப கோளாறு காரணமாக உத்தவ் தாக்கரே பற்றி டுவிட்டரில் பதிவு செய்யப்பட்டுள்ளதாக சஞ்சய் விளக்கம் அளித்து உள்ளார் என்பது குறிப்பிடத்தக்கது

மேலும் உத்தவ் தாக்கரே அணிக்கு திரும்பும் எண்ணம் இல்லை உத்தவ் தாக்கரே கட்சி தலைவராக இருந்து முதல்-மந்திரி பதவியை வேறு ஒருவருக்கு தந்தால் நன்றாக இருக்கும் என்றும் அவர் தெரிவித்தார்