வாட்ஸ் அப் குழு மூலம் பாகிஸ்தானுக்கு ஆதரவான பிரச்சாரம்.. ரகசியங்கள் கசிவு.. உபியில் ஒருவர் கைது..!

உத்தரப்பிரதேசத்தில் உள்ள வாரணாசி  நகரில் இருந்து பாகிஸ்தானுக்காக  உளவு வேலை செய்ததாக சந்தேகிக்கப்பட்ட துபைல் என்ற ஒருவரை காவல்துறை கைது செய்துள்ளது. இவர் இந்தியாவின் பாதுகாப்புக்கு ஆபத்தான ரகசிய தகவல்களை பாகிஸ்தானுக்கு அனுப்பி வந்தார் என போலீசார் தெரிவித்தனர்.

துபைல் பாகிஸ்தானின் பலருடன் தொடர்பில் இருந்து, முக்கிய இடங்களான ராஜ்கட், நாமோ கட், கியன்பவி, ரயில்வே ஸ்டேஷன் மற்றும் ரெட் ஃபோர்ட் போன்றவற்றின் படங்களை பாகிஸ்தானி நபர்களுக்கு அனுப்பியதாக விசாரணையில் தெரியவந்தது.

மேலும், இவர் வாட்ஸ்அப் குழுக்களில் செயல்பட்டு, தீவிரவாதி  மௌலானா சாத் ரிஸ்வி அவர்களின் வீடியோக்களையும் பகிர்ந்துள்ளார்.

துபைல், பாப்ரி மசூதி சம்பவத்துக்கு பதிலடி எடுக்கவும், ஷரியா சட்டத்தை விதிக்கவும் கிளர்ச்சியான செய்திகள் பரப்பியிருந்தார்.

அவரது வாட்ஸ்அப் குழுக்களில் உள்ள இணைப்புகள் வராணசி உள்ளூர் மக்களையும் பாகிஸ்தான் நெட்வொர்க்குகளுடனும் இணைப்பதாக தெரிகிறது.

துபைல் பாகிஸ்தான் இராணுவத்தில் பணிபுரியும் நபீசா என்ற பெண்ணுடன் தொடர்புடையவனாகவும் இருக்கிறார். அவருக்கு சுமார் 600 பாகிஸ்தானியர்களுடன் தொடர்பு இருந்ததாக கூறப்படுகிறது.

காவல்துறாஇ  தற்போது துபைல் மற்றும் அவரது நெட்வொர்க் முழுமையாக விசாரணை செய்து வருகிறது. சமூக ஊடகங்கள் மூலம் பரவும் கணினி  மற்றும் தீவிரவாதப் பிரசாரங்களின் அபாயம் அதிகரித்து வந்திருப்பது இதனால் வெளிப்படுத்தப்பட்டுள்ளது.

Edited by Siva