தமிழக ஆளுநர் ஆர்.என் ரவி, ஐந்து நாள் பயணமாக டெல்லி சென்றுள்ளார். நேற்று பிரதமர் மோடியை அவர் சந்தித்து பேசினார். இந்நிலையில் மத்திய கல்வி அமைச்சர் தர்மேந்திர பிரதானை ஆளுநர் ரவி இன்று சந்தித்தார். அப்போது இருவரும் கல்வித்துறையை மேலும் முன்னேற்றுவது மற்றும் தேசிய கல்விக்கொள்கை குறித்து முக்கிய ஆலோசனை நடத்தினர்.
இந்த சந்திப்பு குறித்து தனது எக்ஸ் தளத்தில் பதிவிட்டுள்ள ஆளுநர் ஆர்.என் ரவி, மத்திய கல்வித் துறை அமைச்சர் தர்மேந்திர பிரதானை சந்தித்து, தமிழகத்தில் உயர் கல்வியை உயர்ந்த நிலைக்கு கொண்டு செல்வதற்கான வழிகள் மற்றும் முறைகள் பற்றி விவாதித்தேன் என்று குறிப்பிட்டுள்ளார்.
