இந்த இரட்டை விண்கலன்கள் சரியாக நேற்றிரவு பத்து மணிக்கு விண்ணில் செலுத்தப்பட்ட நிலையில், அது வெற்றிகரமாக நிலை நிறுத்தப்படவுள்ளது. நேற்று முன்தினம் 25 மணி நேர கவுண்டவுன் தொடங்கிய நிலையில், எரிபொருள் நிரப்புதல் உள்பட அனைத்து இறுதி கட்ட பணிகளும் சரியாக முடிந்து, பத்து மணிக்கு சரியாக ஏவப்பட்டது.
ஸ்பேடெக்ஸ் சோதனை வெற்றியின் மூலம், உலகிலேயே இந்த செயல்முறையை தொடங்கிய நான்காவது நாடாக இந்தியா திகழும் என்று இஸ்ரோ தலைவர் சோம்நாத் விளக்கி உள்ளார். மேலும், விண்வெளியில் இந்திய ஆய்வு மையத்தை நிறுவுவது, தரவுகளை சேகரிப்பது, சந்திராயன் 4 திட்டம் உள்ளிட்ட இஸ்ரோவின் எதிர்கால திட்டங்களுக்கு இது அடிப்படை சோதனையாக விளங்கும் என்றும், இஸ்ரோவின் சாதனைகள் ஒரு புதிய மைல்கல் என்று சோம்நாத் தெரிவித்துள்ளார்.
