சில காலம் முன்பாக தேசிய குற்ற ஆவண காப்பகம் வெளியிட்ட அறிக்கையில் அதிகமான பாலியல் குற்றங்கள் நடந்த மாநிலங்களில் ராஜஸ்தான் முதல் இடத்தில் இருந்தது. இதுகுறித்து விளக்கமளித்துள்ள ராஜஸ்தான் டிஜிபி உமேஷ் மிஸ்ரா “மற்ற பல மாநிலங்களில் பாலியல் வன்கொடுமை சம்பவங்கள் குறித்து முறையாக எப்.ஐ.ஆர் பதிவு செய்யப்படுவதில்லை. சில இடங்களில் வெறும் புகாரை மட்டும் பெற்றுக் கொண்டு விசாரணை நடத்துகின்றனர்.
தேசிய அளவில் நிலுவையில் உள்ள வன்கொடுமை வழக்குகள் 30 சதவீதம். ஆனால் அது ராஜஸ்தானை பொறுத்தவரை 12% என்ற அளவிலேயே உள்ளது. அதுபோல முந்தைய ஆண்டுடன் ஒப்பிடும்போது பொய் வழக்கு தொடுப்பவர்கள் விதிகம் 68% அதிகரித்துள்ளது. பொய் வழக்கு தொடுப்பவர்கள் மீது எப்.ஐ.ஆர் பதிவு செய்து நடவடிகை எடுக்கப்படுகிறது” என தெரிவித்துள்ளார்.
