உத்திரப்பிரதேச மாநில காங்கிரஸ் பொதுச்செயலாளராக இருக்கும் பிரியங்கா காந்தி தற்போதைய காங்கிரஸின் முக்கியமான முகங்களில் ஒருவராக இருக்கிறார். ராகுல் காந்தி காங்கிரஸ் தலைவர் பதவியை ராஜினாமா செய்த நிலையில் அடுத்த தலைவராக பிரியங்கா காந்தி வரவேண்டும் என்று கோரிக்கைகள் எழும் அளவுக்கு அவர் மீதான நம்பிக்கை காங்கிரஸ் தொண்டர்கள் இடையே எழுந்துள்ளது.
ராகுல் காந்தியை போல இல்லாமல் அவரின் பாட்டி இந்திரா காந்தியை போல ஆவேசமான பதில்களை அளித்து வரும் பிரியங்கா காந்தி, இன்று தனது 49 ஆவது பிறந்தநாளைக் கொண்டாடுகிறார். காங்கிரஸ் கட்சி இன்று அடைந்திருக்கும் வீழ்ச்சிக்கு அதன் மூத்த தலைவர்களின் ஊழலே காரணம் என சொல்லப்படும் நிலையில் பிரியங்கா காந்தி போன்ற இளம் தலைவர்கள் காங்கிரஸின் மறுமலர்ச்சிக்கு வித்திடவேண்டிய கட்டாயத்தில் உள்ளனர்.
