கேரள மாநிலம் கோட்டயத்தில் வசித்து வருபவர் சுனீஷ். மாற்றுத்திறனாளியான இவர் கைகள் மட்டுமே செயல்படும் நிலையிலும் ஒரு தனியார் நிறுவனத்திற்கு வீட்டிலிருந்தே பணியாற்றி அந்த ஊதியத்தில் தன் குடும்பத்தை நடத்தி வருகிறார். இந்நிலையில் சுனீஷ் தனது மகன் ஜஸ்டினுக்கு தான் சேமித்த 5 ஆயிரம் ரூபாயை கொண்டு புதிய சைக்கிள் ஒன்றை வாங்கி தந்துள்ளார்.
வீட்டு வாசலில் நின்ற அந்த சைக்கிளை மர்ம நபர்கள் திருடி சென்றுள்ளனர். இதுகுறித்து முகப்புத்தகத்தில் பதிவிட்ட சுனீஷ் தான் மாற்றுத்திறனாளி என்றும், தன் மகனுக்கு பிறந்தநாள் பரிசாக கஷ்டப்பட்டு அந்த சைக்கிளை வாங்கியதாகவும் கூறி அதை எடுத்தவர்கள் திரும்ப அளிக்க வேண்டும் என மன்றாடி கேட்டுள்ளார்.
