இந்திய ஓட்டல் நிறுவனங்களில் முன்னணி நிறுவனமான ஓயோ நிறுவனம் தங்களுடைய செக்-இன் கொள்கைகளில் மாற்றம் அறிவித்துள்ளது. இந்த மாற்றத்தின்படி, திருமணம் ஆகாத தம்பதிகள் இனி அறைகளை முன்பதிவு செய்ய அனுமதிக்கப்பட மாட்டார்கள் என்றும், குடும்பங்கள், தனிப்பயணிகள், மாணவர்கள் மற்றும் சுற்றுலா பயணிகளுக்கு மட்டுமே தங்குவதற்கு அனுமதி உண்டு என்றும் அறிவிக்கப்பட்டுள்ளது.
செக்-இன் செய்யும்போது, அனைத்து ஜோடிகளும் தங்களுடைய திருமண ஆதாரத்தை வழங்க வேண்டும் என்றும், ஆன்லைன் மற்றும் ஆஃப்லைன் முன்பதிவுகளுக்கும் இது பொருந்தும் என்றும் இந்தியாவில் உள்ள அனைத்து தங்களுடைய ஹோட்டல் நிறுவனங்களும் இதனை பின்பற்ற வேண்டும் என்றும் ஓயோ நிறுவனம் தெரிவித்துள்ளது.
