அமித்ஷா இன்னும் குணமாகவில்லையா? மனோஜ் திவாரி டுவீட் திடீர் நீக்கம்

மத்திய உள்துறை அமைச்சர் அமித்ஷா அவர்கள் கொரோனாவில் இருந்து குணம் ஆகி விட்டதாக சற்றுமுன் பாஜக எம்பி மனோஜ் திவாரி தனது டுவிட்டர் பக்கத்தில் பதிவு செய்து இருந்தார். மேலும் அமித்ஷாவுடன் எடுத்துக்கொண்ட புகைப்படம் ஒன்றையும் அவர் பதிவு செய்திருந்தார்.

இந்த நிலையில் திடீரென அந்த டுவிட் தற்போது நீக்கப்பட்டுள்ளதால் பெரும் பரபரப்பு ஏற்பட்டு உள்ளது. இந்த நிலையில் மத்திய அமைச்சர் அமித்ஷாவுக்கு மீண்டும் கொரோனா பரிசோதனை செய்யவில்லை என்றும் அதனால் கொரோனாவில் இருந்து குணம் ஆகி விட்டார் என்ற செய்தி தகவல் தவறானது என்று மத்திய உள்துறை அமைச்சகம் விளக்கம் அளித்துள்ளது. இதனை அடுத்தே பாஜக எம்பி மனோஜ் திவாரி தனது டுவிட்டை நீக்கியிருக்கலாம் என்று கூறப்படுகிறது 

மத்திய அமைச்சர் அமித்ஷா கொரோனாவில் குணம் அடைந்தார் என்ற தகவல் அதிகாரபூர்வமாக மருத்துவமனையிலிருந்து அறிவிக்கப்படுவதற்கு முன்பே மனோஜ் திவாரி டுவிட்டரில் அமித்ஷா குணமாகிவிட்டதாக டுவிட்டை பதிவு செய்ததும் தற்போது அந்த டுவிட்டை அவர் நீக்கியுள்ளதும் பெரும் பரபரப்பை ஏற்படுத்தி உள்ளது