தற்போதைய நிலவரப்படி கடந்த 24 மணி நேரத்தில் புதிதாக 8,084 பேர் பாதித்துள்ளனர். இதன் மூலம், மொத்த பாதிப்பு எண்ணிக்கை 4,32,30,101 ஆக உயர்ந்துள்ளது. கடந்த ஜூன் 6 மற்றும் 12 ஆம் தேதிக்கு இடையில் இந்தியாவில் சுமார் 49,000 புதிய கொரோனா வழக்குகள் பதிவு செய்யப்பட்டுள்ளது.
மேலும் புதிதாக 10 பேர் இறந்துள்ளனர். இதனால், நாட்டின் மொத்த உயிரிழந்தோர் எண்ணிக்கை 5,24,771 ஆக உயர்ந்தது. கொரோனா தொற்றில் இருந்து ஒரே நாளில் 4,592 பேர் குணமடைந்துள்ளனர். இதனால் குணமடைந்தோர் எண்ணிக்கை 4,26,57,335ஆக உயர்ந்துள்ளது.
இந்தியாவில் கொரோனா தொற்றால் பாதிக்கப்பட்ட 47,995 பேருக்கு மருத்துவமனையில் சிகிச்சை அளிக்கப்படுகிறது. இந்தியாவில் 1,95,19,81,150 கோடி கொரோனா தடுப்பூசி செலுத்தப்பட்டுள்ளது. நேற்று ஒரே நாளில் 11,77,146 பேருக்கு தடுப்பூசி செலுத்தப்பட்டுள்ளது.
